Մեքսիկայի նախագահ Ֆելիպե Կալդերոնը այսօր կժամանի Կուբա` փորձելու համար բարելավել վատթարացած հարաբերությունները այդ երկրի հետ և քննարկելու հնարավոր առևտրային` հատկապես նավթային գործարքները:
Te Jerusalem Post-ը տեղեկացնում է, որ սա Կալդերոնի առաջին այցն է Կուբա` այն բանից հետո, երբ նա բարկացած հրաժարվեց իրականացնել այցը 2009 թվականին, քանի որ Կուբայի կառավարությունը դադարեցրել էր թռիչքները երկու երկրների միջև:
Մեքսիկայի նախագահը կհանդիպի Կուբայի նախագահ Ռաուլ Կաստրոյին: Հաղորդվում է, որ նա կհանդիպի նաև Կուբայի կաթոլիկ եկեղեցու առաջնորդին: Դեռևս հայտնի չէ` նա կհանդիպի՞ արդյոք Ֆիդել Կաստրոյի՞ն, թե՞ ոչ:
