ԱՄՆ նախագահ Բարաք Օբաման զգալիորեն առաջ է անցել Հանրապետական կուսակցությունից նախընտրական քարոզարշավի ընթացքում հավաքված դրամական միջոցների հավաքմամբ ու վերջին շաբաթներում սկսել է ավելացնել իր հիմնադրամները արագացված տեմպերով:
Այդուհանդերձ, ինչպես վկայում են Դաշնային ընտրական հանձնաժողովի տվյալները, նրա նախընտրական «գանձանակում» գումարների ավելացումը կատարվում է ոչ առանց խնդիրների, համենայն դեպս,՝ոչ այնպես հաջող, ինչպես 2008 թ., երբ նա առաջին անգամ էր պայքարում Սպիտակ տան աթոռի համար: Այս մասին հաղորդում է ITAR-TASS գործակալությունը:
Ներկայում Օբաման և Դեմոկրատական կուսակցության ազգային կոմիտեն հավաքել են 255 մլն դոլար այն ժամանակ, երբ նախընտական քարոզարշավի ֆավորիտներից մեկը` հանրապետական Միթ Ռոմնին, հավաքել է ընդամենը 63.1 մլն դոլար:
Հանրապետական կուսակցության` նախընտրական քարոզարշավին մասնակցող բոլոր 4 թեկնածուներին ընդհանուր առմամաբ բաժին է ընկել 145 մլն դոլար:
Ներկայումս Օբամայի հաշվին կա 75 մլն դոլար: Միայն փետրվարին Սպիտակ տան ղեկավարն իր նախընտրական հիմնադրամն ավելացրել է միանգամից 45 մլն դոլարով` զգալիորեն մեծացնելով կատարվող նվիրատվությունների քանակը:
