Անգլիայի Պրեմիեր Լիգայի 2011/12թթ. մրցաշրջանի 27-րդ տուրի շրջանակներում ավարտվեցին ևս 6 հանդիպումներ:
Առաջատար «Մանչեսթեր Սիթի»-ն սեփական հարկի տակ 2:0 հաշվով պարտության մատնեց «Բոլթոն»-ին: «Քաղաքայիններ»-ի կազմում աչքի ընկավ Մարիո Բալոտելլին, իսկ Գրեթար Սթեյնսսոնը դարձավ ինքնագոլի հեղինակ: Այսպիսով` «Սիթի»-ն սեփական հարկի տակ տարավ իր 14-րդ անընդմեջ հաղթանակը և գերազանցեց «Նյուքասլ»-ի` 1996 թվականին սահմանած ռեկորդը:
«Չելսի»-ն կրեց իր հերթական պարտությունը: Վիլլաշ-Բոաշի սաները մրցակցի հարկի տակ զիջեցին «Ուեսթ Բրոմվիչ»-ին: Հանդիպման միակ գնդակը խփեց Գարեթ Մքաուլին: Գրանցվեցին հետևյալ արդյունքները`
«Բլեքբեռն» – «Ասթոն Վիլլա»` 1:1
0:1 Ն’ Զոգբիա (24’), 1:1 Դանն (85’)
«Մանչեսթեր Սիթի» – «Բոլթոն»` 2:0
1:0 Սթեյնսսոն (23’, ինքնագոլ), 2:0 Բալոտելլի (69’)
«ՔՊՌ» – «Էվերթոն»` 1:1
0:1 Դրենտե (31’),1:1 Զամորա (36’)
«Սթոք» – «Նորվիչ»` 1:0
1:0 Էթերինգթոն (72’)
«Ուեսթ Բրոմվիչ» – «Չելսի»` 1:0
1:0 Մքաուլի (82’)
«Ուիգան» – «Սուոնսի»` 0:2
0:1, 0:2 Սիգուրդսսոն (45’, 55’)
