Հայաստանի պետական ֆիլհարմոնիկ նվագախումբն այս տարի կունենա նոր web կայք: Այս մասին լրագրողների հետ հանդիպման ժամանակ հայտարարեց նվագախմբի գեղարվեսատական ղեկավար և գլխավոր դիրիժոր Էդուարդ Թոփչյանը:
«Մեր հին կայքը կոնկրետ ինձ դուր չէր գալիս, բայց պարզ է` դա կապված էր ֆինանսների հետ: Հիմա կարողացանք գրեթե նվեր ստանալ մի նոր հիանալի, միջազգային չափանիշներին համապատասխանող կայք»,- տեղեկացրեց նա` հայտնելով, որ կայքի շնորհանդեսը տեղի կունենա փետրվարի 11-12-ին:
ՀՊՖՆ պրադյուսեր Արման Պադարյանն էլ հավելեց, որ փոխվելու է կայքի սերվերը, որ կայքը մի քիչ ավելի արագ աշխատի:
Կբացվի նաև բլոգ, որտեղ կհավաքվեն նաև այն լրագրողների աշխատանքները, որոնք կգրեն Ֆիլհարմոնիկի մասին:
Թոփչյանը հույս հայտնեց նաև, որ այս տարվա սեպտեմբերին կստեղծվի երաժշտական ակադեմիա, որտեղ կընդունվեն 5-6 տարեկան շնորհալի երեխաները: Հենց այդ երեխաների շնորհիվ մի 8 տարի հետո, ըստ նրա, Ակադեմիան կկարողանա երաժիշտներով ապահովել Ֆիլհարմոնիկին, Օպերային թատրոնի ու Գյումրիի նվագախմբերին:
ՀՊՖՆ տնօրեն Ռուզաննա Սիրունյանն էլ իր հերթին ավելացրեց, որ նպատակ կա ստեղծել հիմնադրամ, որտեղ հավաքվող գումարների տոկոսների օգնությամբ իրենք կկարողանան ստեղծել ոչ միայն ակադեմիան, ոչ միայն անվճար կուսուցանեն երեխաներին, այլև անգամ ֆինանսապես կօգնեն նրանց գործիքներ կգնեն, աշխատավարձ կվճարեն ուսուցիչներին: