Google-ը ներկայացրել է աշխարհի ամենամեծ՝ 107սմ էկրանով սմարթֆոնը

Google ընկերությունը ցուցադրել է աշխարհի ամենամեծ սմարթֆոնը, որն ունի Android բջջային օպերացիոն համակարգ: Հսկայական 42-դյույմանոց «Nexus S» սենսորային էկրանով սարքը տեղադրված է Սան Ֆրանցիսկոյից 30կմ դեպի հարավ գտնվող Սան Կարլոս փոքր քաղաքում: TechCrunch կայքը նշում է, որ այս հսկայական հեռախոսը տեղադրվել է Best Buy խանութում, որն էլեկտրոնիկայի սուպերմարկետների խոշորագույն ցանցերից մեկն է ԱՄՆ-ում, որպեսզի գրավի հաճախորդների ուշադրությունը:
Սարքն, ի տարբերություն Nexus One-ի, որը ցուցադրում էր միայն տեսահոլովակներ, լիովին գործածելի է: Մասնավորապես, Nexus S-ի 42-դյույմանի էկրանին գործում է վեբ-տեսախցիկ, որը միացված է ինտերներտի Android Market առցանց խանութին:
Այս սարքը հսկայական սենսորային էկրան է, որն իր վիդեոելքերով աշխատում է «բնական»` 4-դյույմանոց Nexus S-ի հետ: Google-ում նշում են, որ եթե սարքը «բնական պայմաններում» փորձարկումը հաջողությամբ անցնի (օրինակ, եթե հաճախորդներն այն պատահաբար չկոտրեն), ապա այն կհայտնվի նաև Best Buy-ի մյուս խանութներում, որոնք համարվում են Nexus S-ի բացառիկ ներկայացուցիչը:
Nexus S Android 2.3 (Gingerbread) պլատֆորմով սարքն առաջին անգամ ցուցադրվել է այս տարվա դեկտեմբերին: Այն ունի 4-դյույմանոց սենսորային էկրան, 16ԳԲ հիշողություն, ինչպես նաև ARM Cortex A8 1ԳՀց հաճախականությամբ պրոցեսոր: Սմարթֆոնն ունի Wi-Fi և Bluetooth 2.1, ինչպես նաև 5 մեգապիկսելանոց ֆոտոխցիկ: