Ճապոնական գիտատեխնիկական գործակալության, Տոկիոյի և Կեյոյի համալսարանի մասնագետները մշակել են սարքավորում, որը հեշտությամբ և պարզ ձևով ցանկացած փափուկ խաղալիք վերածվում է փափուկ ռոբոտի:
Ինչպես հայտնում է MEMBRANA կայքը, PINOKY անունով սարքը իրենից ներկայացնում է թևնոց, որը կապում են խաղալիքի թաթին, ականջին կամ պոչին: Դրանից հետո այն մարմնի այդ մասերը շարժման մեջ է դնում և ազդանշաններ ստանում հեռակառավարման վահանակի միջոցով:
Սակայն պետք է նշել, որ սարքը շարժման մեջ է դնում ոչ միայն մարմինը, այլ նաև օժտված է միկրոկարգավորիչով և ֆոտոսենսորով, որի հաշվին սարքը կարելի է հեշտությամբ վերածրագրավորել: Դրանից հետո խաղալիքը հիշելու և կրկնելու է բոլոր շարժումները, որոնք մարդը կատարել է ձեռքով:
Բացի այդ, PINOKY-ի շնորհիվ խաղալիքները միաժամանակ կատարելու են ձայնային հրահանգներ և անսովոր հրամաններ հեռակառավարման վահանակի թափահարման միջոցով:
Մասնագետները ենթադրում են, որ PINOKY-ն ապագայում կիրառվելու է ոչ միայն երեխաների շրջանում: Մեծերի համար նման տիպի սարքավորումները կարող են հաղորդակցման նոր ձև լինել:
«Խաղալիքները կամ այլ օբյեկտներ, որոնք միմյանցից հեռու են գտնվում, պետք է համաչափ լինեն, որպեսզի զանգահարողները կարողանան ապահովել ոչ ձայնային շփում, նաև իրենց զգացմունքներն արտահայտեն շարժումների միջոցով»,- բացատրում են մասնագետները: