Զբիգնև Բժեզինսկին` ԱՄՆ նախկին նախագահ Ջիմի Քարթերի խորհրդականը, հարցազրույց է տվել լեհական TVN24 հեռուստաընկերությանը:
Պատասխանելով այն հարցին, թե արդյո՞ք Ռուսաստանը մտնում է բրեժնևյան հերթական դարաշրջան, նա ասել է, որ դա բնորոշ է Ռուսաստանին: Չնայած Պուտինը փորձում է ռուս ժողովրդին ապացուցել, որ իրենց երկիրը ժամանակակից է, դինամիկ, իր ուժերի վրա վստահ և աշխարհում ունի իր կայուն դիրքը, սակայն իրականում այս ամենը Ռուսաստանի մոտ չի ստացվում՝ լճացման պատճառով:
Իսկ այն հարցին, թե արդյոք Ռուսաստանում կլինի՞ այդ զարթոնքը, Բժեզինսկին պատասխանել է, որ ընդհանուր առմամբ՝ երիտասարդների շրջանում տեղի են ունենում հսկայական փոփոխություններ, նրանք նորովի են գնահատում այս աշխարհում տեղի ունեցող իրադարձությունները, քաջ գիտակցում են իրենց տեղը: Հենց դա էլ ռուսների համար կլինի զարթոնք:
Ըստ Բժեզինսկու՝ փաստն այն է, որ միլիոնավոր ռուսներ ապրում են արտասահմանում, շատերը գնում են սովորելու, և քչերն են վերադառնում, հազարավորները ցանկանում են արտագաղթել: Փոխվել է նաև վերաբերմունքը իշխանությունների հանդեպ: Քննադատում են Պուտինին, ինչն էլ վկայում է նոր սերնդի մասին:
Նրա խոսքերով՝ եթե նույնսիկ հիմա գա Պուտինի դարաշրջանը, որը կլինի գրեթե կայսերական կամ եվրասիական, նրա մոտ ոչ մի բան չի ստացվի: Ռուսների մեծ մասը, Չինաստանի ու Արևմուտքի կողմից շրջապատված լինելով, իր ապագան տեսնում է Արևմուտքի հետ:
