Գերմանիան լրացուցիչ 300 միլիոն եվրո կհատկացնի Ուկրաինային՝ զինամթերք մատակարարելու չեխական նախաձեռնությանը. Բեռլինում իր չեխ պաշտոնակից Յարոմիր Զունայի հետ հանդիպման արդյունքներով հայտարարել է Գերմանիայի պաշտպանության նախարար Բորիս Պիստորիուսը։
Նրա խոսքով՝ այդ միջոցները պետք է բավարարեն Կիևի համար մոտ 50,000 միավոր զինամթերք գնելու համար։
Գերմանիան Ուկրաինայի զինված ուժերին (ՈւԶՈւ) զինամթերք մատակարարելու չեխական նախաձեռնության խոշորագույն դոնորն է, որին 2025 թվականին ընդհանուր առմամբ հատկացրել է մեկ միլիարդ եվրո։
Երրորդ երկրներից Ուկրաինայի զինված ուժերի համար զինամթերք գնելու չեխական նախաձեռնությունը մեկնարկել է 2024 թվականի փետրվարին՝ երկրի նախկին վարչապետ Պետր Ֆիալայի աջակցությամբ։ 2025 թվականի դեկտեմբերին նոր վարչապետ Անդրեյ Բաբիշի իշխանության գալուց հետո Չեխիան դիտարկում էր նախաձեռնությունն ամբողջությամբ չեղարկելու հնարավորությունը, սակայն ի վերջո կառավարությունը համաձայնեց դրա իրականացմանը՝ պայմանով, որ Պրահան սեփական ֆինանսական մասնակցությունը չի ունենա։
