Ռուսական Regnum լրատվական գործակալության փոխանցմամբ՝ հայտնի ֆուտբոլային մասնագետ Միխայիլ Գերշկովիչը հայտարարել է, որ հարձակման գծում Հայաստանն ավելի ժամանակակից ֆուտբոլ է խաղում, քան Ռուսաստանի հավաքականը.
«Եվրո 2012-ի ընտրական մրցաշարում Ռուսաստանի հավաքականի ցուցադրած խաղը շատ գրավիչ և դիտարժան չէր երկրպագուների համար։ Նույն խմբում հանդես եկող Հայաստանի հավաքականն ավելի գեղեցիկ խաղ է ցուցադրում։
Ինչ վերաբերում է մեր հավաքականի կատարմամբ բուն ֆուտբոլին, ապա չի կարելի ասել, թե մեր երկրպագուները մեծ հաճույք ստացան դրանից։ Հայերը, միևնույն ժամանակ, հարձակման գծում շատ ավելի ժամանակակից են խաղում, քան մեր թիմը։ Խոսքն արագ և կոմբիանացիոն խաղի մասին է։
Դրա վկայությունը դարձան սլովակների ու մակեդոնացիների դեմ հայերի ցուցադրած խաղերը, որոնք շատ ավելի արդյունավետ ավարտ ունեցան, քան մեր անցկացրած վերջին հանդիպումները»։
