Ճգնաժամային կառավարման ազգային կենտրոն օգոստոսի 25-ին, ժամը 16։57-ին ահազանգ է ստացվել, որ հրդեհ է բռնկվել Ջրվեժ գյուղի արտադրամասերից մեկի տարածքում։
Այս մասին տեղեկացրել է ՆԳՆ փրկարար ծառայությունը։
Հրդեհի բարդության «Թիվ 2» կանչով դեպքի վայր են մեկնել Երևանի փրկարարական վարչության հրշեջ-փրկարարական ջոկատներից վեց մարտական հաշվարկ, ինչպես նաև համապատասխան օպերատիվ և մասնագիտական խմբեր։
Հաշվի առնելով իրավիճակի բարդությունը՝ հայտարարվել է հրդեհի բարդության «Թիվ 3» կանչ։ Դեպքի վայր են մեկնել Երևանի փրկարարական վարչության հրշեջ-փրկարարական ջոկատներից ևս չորս մարտական հաշվարկ։
Օգնության են միացել նաև Երևանի քաղաքային և մարզային փրկարարական վարչությունների հրշեջ-փրկարարական ջոկատներից ևս վեց մարտական հաշվարկ։
Ըստ նախնական տվյալների՝ տուժածներ չկան։
Կտրվի լրացուցիչ տեղեկատվություն:
