Իտալիայի առաջնության 5-րդ տուրը մեկնարկեց «Բոլոնիա»-«Ինտեր» խաղով: Միլանյան ակումբը Կլաուդիո Ռանիերիի գլախավորությամբ առաջին խաղում 1:3 հաշվով պարտության մատնեց «Բոլոնիա»-ին և առաջին հաղթանակը տարավ ընթացիկ առաջնությունում: «Ինտեր»-ի կազմում աչքի ընկան Պացցինին (39 ր.), Միլիտոն (81 ր.) և Լուսիոն (89 ր.), տանտերերից պատասխան գոլը խփեց Դիամանթին:
3 միավոր վաստակեց նաև գործող չեմպիոն «Միլան»-ը, որի համար այս հաղթանակը նույնպես առաջինն էր ընթացիկ առաջնությունում: Ալեգրիի սաները նվազագույն հաշվով պարտության մատնեցին մրցաշարային աղյուսակի ետնապահ «Չեզենա»-ին: Հանդիպման 5-րդ րոպեին միակ գոլը խփեց Կլարենս Զեեդորֆը:
«Յուվենտուս»-ն ու «Ուդինեզե»-ն չնայած միավորների կորստին, շարունակում են գլխավորել մրցաշարային աղյուսակը: Թուրինցիները մրցակցի հարկի տակ ոչ-ոքի` 1:1 հաշվով ավարտեցին հանդիպումը «Կատանիա»-ի հետ, իսկ «Կալյարի»-«Ուդինեզե» խաղում գոլեր չգրանցվեցին:
5-րդ տուրի մյուս հանդիպումներում գրանցվեցին հետևյալ արդյունքները.
«Նապոլի»-«Ֆիորենտինա»` 0:0:
«Կիևո»-«Ջենոա»` 2:1:
«Ատալանտա»-«Նովարա»` 2:1:
«Լացիո»-«Պալերմո»` 0:0:
«Սիենա»-«Լեչե»` 3:0:
«Պարմա»-«Ռոմա» հանդիպումը դեռ չի ավարտվել:
5-րդ տուրից հետո մրցաշարային աղյուսակի առաջատար 5-յակը դասավորվել է հետևյալ հերթականությամբ.
1.«Յուվենտուս» 8 մ.
2.«Ուդինեզե» 8 մ.
3.«Ջենոա» 7 մ.
4.«Նապոլի» 7 մ.
5«Ֆիորենտինա» 7 մ.
