Ռուսաստանի դեսպան Սերգեյ Կոպիրկինը հանդիպել է հայտնի ռուս մարդկանց պատվին անվանակոչված երևանյան դպրոցների տնօրեններին, հայտարարել, թե ներկա պահին քննարկվում է Հայաստանում ռուսական դպրոցներ բացելու հարցը։
Դեսպանը տեղեկացրել է, որ արդեն իսկ աշխատանքային խումբ է ստեղծվել, որը զբաղվում է ռուսաց լեզվով կրթությանն աջակցելու հետ կապված հարցերով։
Թեմայի շուրջ «Առաջին լրատվական»-ը զրուցել է մշակութային մարդաբան Աղասի Թադևոսյանի հետ:
Թադևոսյանի խոսքով՝ ռուսերենի արեալը շատ փոքր է, որպեսզի մենք ուզենանք պետական մասշտաբով սովորել․ «Հայաստանը գտնվում է ռուսական ազդեցության գոտում և հասարակության մի հատված առնչություն ունի ռուսերեն լեզվի հետ: Ինչ իրավունք ունի որևէ երկրի դեսպան, առանց երկրի ինստիտուցիոնալ մարմինների հետ քննարկելու ինքնուրույն քայլեր ձեռնարկի: Ռուսերեն լեզվի գործոնը օգտագործվում է՝ փորձելով դպրոցները դարձնել մշակութային գործակալներ: Կայսերական հակումներ ունեցող պետության ամբարտավան, անտակտ գործողություն, որտեղ հաշվի չի առնվել մեր ինքնասիրությունը»: