Վրաստանում անշարժ գույքի է տիրապետում մոտ 23 հազար Ռուսաստանի քաղաքացի։ Այս մասին ասված է Վրաստանի Արդարադատության նախարարության հանրային ռեեստրի գործակալության պատասխանում՝ պատգամավոր Նիկա Մաչուտաձեի հարցմանն ի պատասխան։
«2022 թվականի օգոստոսի 23-ի դրությամբ Վրաստանում անշարժ գույքի սեփականատեր է հանդիսանում Ռուսաստանի 22․719 քաղաքացի»,- ասված է պատասխանում: Ընդ որում, գերատեսչությունում պարզաբանում են, որ խոսքը միայն Ռուսաստանի քաղաքացիների մասին է, այլ ոչ՝ այն անձանց, որոնք միաժամանակ ունեն նաև Վրաստանի քաղաքացիություն: