ՌԴ նախագահ Վլադիմիր Պուտինի այցը Թուրքիա կարող է կայանալ Անկարայում ՌԴ փոխվարչապետ Ալեքսանդր Նովակի և թուրք գործընկերների բանակցություններից հետո։ Երեքշաբթի նման հայտարարությամբ է հանդես եկել «Star» թերթը։
Հրատարակության տվյալներով՝ Ռուսաստանի բարձրաստիճան պատվիրակությունը քննարկումներ կունենա տնտեսությանը վերաբերող հարցերի շուրջ։ Քննարկվելու են նաև Ռուսաստանի և Թուրքիայի Բարձր մակարդակի համագործակցության խորհրդի նիստի նախապատրաստական աշխատանքները, որը նախատեսվում է անցկացնել այս տարի։
Ավելի վաղ, Ռուսաստանի նախագահի խոսնակ Դմիտրի Պեսկովը լրագրողներին ասել էր, որ Վլադիմիր Պուտինի՝ Թուրքիա այցի նախապատրաստական աշխատանքներն առաջիկա շաբաթներում չեն նախատեսվում։
