Ամենայն հայոց կաթողիկոս Գարեգին Երկրորդը Ռուս Ուղղափառ եկեղեցու առաջնորդի հետ հանդիպմանն ասել է, որ Հայ առաքելական եկեղեցին և հայ ժողովուրդը մշտապես զգացել են նրա աջակցությունը։
Ամենայն հայոց կաթողիկոս Գարեգին Երկրորդը կարծում է, որ Հայաստանը դժվարին ժամանակները կհաղթահարի Ռուսաստանի և Ռուս ուղղափառ եկեղեցու աջակցությամբ: ՌԻԱ Նովոստիի փոխանցմամբ ՝ այս մասին կաթողիկոսն ասել է Մոսկվայի և Համայն Ռուսիո պատրիարք Կիրիլի հետ հանդիպմանը։
Գարեգին Երկրորդը նաև ասել է, որ Հայ առաքելական եկեղեցին և ժողովուրդը միշտ զգացել են Ռուս ուղղափառ եկեղեցու առաջնորդի աջակցությունը:
«Այսօր դժվարին ժամանակներ են մեր ժողովրդի և մեր երկրի համար: Մենք հավատում ենք, որ Աստծո օգնությամբ և մեր հավատքի շնորհիվ, ինչպես նաև բարեկամ երկրների, առաջին հերթին ՝ Ռուսաստանի Դաշնության աջակցությամբ մենք կկարողանանք հաղթահարել այս փորձությունը», – ասել է Գարեգին Երկրորդը:
Ինչպես արդեն հայտնել էինք, Կիրիլ Պատրիարքը հոկտեմբերի 12-ին և 13-ին Մոսկվայում հանդիպումներ է ունենում Ամենայն Հայոց կաթողիկոս Գարեգին Երկրորդի և Կովկասի մահմեդականների վարչության (CMD) շեյխ-ուլ-Իսլամ Ալլահշուքուր Փաշազադեի հետ:
Հոկտեմբերի 13 -ին նախանշված է նաև երեք հոգևոր առաջնորդների եռակողմ հանդիպումը։
