Վրացական ընդդիմությունը բողոքի ցույցեր է կազմակերպում՝ ի պաշտպանություն Միխեիլ Սաակաշվիլիի: «Միացյալ ազգային շարժման» նախագահ Նիկա Մելիան կոչ է արել իր կողմնակիցներին գալ հանրահավաքի: Այս մասին Մելիան հայտարարել է իր ֆեյսբուքյան էջում:
«Ազատություն Միշային», – գրել է քաղաքական գործիչն իր էջում:
Մելիայի կոչին աջակցել են վրացի ընդդիմադրի մեծ թվով երկրպագուներ:
Հանրահավաքը նախատեսվում է անցկացնել այսօր: Վրաստանում տեղական ինքնակառավարման մարմինների ընտրությունների նախօրեին, նախկին նախագահ Միխայիլ Սաակաշվիլին ութ տարվա ընթացքում առաջին անգամ վերադարձավ երկիր: Վրաստանում նա դատապարտվել է մի քանի քրեական գործերով: Հոկտեմբերի 1-ի երեկոյան Սաակաշվիլին կալանավորվեց, նրան սպառնում է վեց տարվա ազատազրկում:
2015 -ին Սաակաշվիլին Ուկրաինայի քաղաքացիություն ստացավ և այսօր Ուկրաինայի բարեփոխումների գործադիր կոմիտեի ղեկավարն է:
Ավելի վաղ հանրապետության վարչապետ Իրակլի Ղարիբաշվիլին հայտարարել էր, որ Վրաստանի նախկին ղեկավար Միխեիլ Սաակաշվիլին ծրագրում է սադրանք կազմակերպել:
