ԱՄՆ-ի Կոնգրեսի Ներկայացուցիչների պալատի խոսնակ Նենսի Փելոսին հատուկ կոմիտեի ձեւավորման վերաբերյալ բանաձեւ Է ներկայացրել հունվարի 6-ին Կապիտոլիումի բլրում անկարգությունները հետաքննելու համար: Այդ մասին հաղորդել Է CNN հեռուստաալիքը:
Բանաձեւի նախագծի տեքստի համաձայն, կոմիտեի կազմի մեջ մտնում Է 13 մարդ:
Փելոսին կնշանակի ութ մարդու, մնացած հինգը կընտրվեն Ներկայացուցիչների պալատում հանրապետականների առաջնորդ Քեւին Մաքքարթնիի հետ կոնսուլտացիաների ընթացքում:
Խոսնակը չի հայտնել, թե ում Է պլանավորում նշանակել, սակայն, ինչպես հեռուստաալիքին պատմել Է օգնականներից մեկը, նա լրջորեն քննարկում Է հանրապետականի թեկնածությունը:
Սպասվում Է, որ բանաձեւի տեքստի քվեարկությունը կանցկացվի հաջորդ շաբաթ, տեղեկացնում Է հեռուստաալիքը:
Հունվարի 6-ին այն ժամանակ գործող ԱՄՆ-ի նախագահ Դոնալդ Թրամփի կողմնակիցները ներխուժել են Վաշինգտոնում Կոնգրեսի շենք. անկարգությունների արդյունքում առնվազն հինգ մարդ Է զոհվել: Կապիտոլիումում կոնգրեսականներն այդ պահին զբաղված Էին քվեատուների կոլեգիայի քվեարկության արդյունքների հաստատմամբ, որոնց համաձայն, նախագահական ընտրությունների հաղթող Է դարձել Ջո Բայդենը:
Կոնգրեսի նիստը մի քանի ժամով ընդհատվել Է, կոնգրեսականների մի մասը տարհանվել Է: Երբ Կապիտոլիումում հաջողվել Է վերականգնել կարգուկանոնը, ԱՄՆ-ի Ներկայացուցիչների պալատը եւ Սենատը հաստատել են դեմոկրատ Ջո Բայդենի հաղթանակը նախագահական ընտրություններում: Կոնգրեսի Ներկայացուցիչների պալատը Թրամփին իմփիչմենտ Է հայտնել խռովություն հրահրելու մեղադրանքով, բայց Սենատը արդարացրել Է Թրամփին, հաղորդել Է «Ինտերֆաքս»-ը:
