Ֆրանսահայ մեծանուն կինոռեժիսոր Անրի Վեռնոյի 100-ամյա հոբելյանին նվիրված միջոցառումների շրջանակում Հայաստանում կանցկացվի կինոժառանգության միջազգային գիտաժողով: Պաշտոնավարման 100 օրվա ամփոփիչ ասուլիսին այս մասին ասաց ՀՀ կրթության, գիտության, մշակույթի և սպորտի նախարար Վահրամ Դումանյանը:
«Գիտաժողովի ընթացքում քննարկվելու են նոր տեխնոլոգիաների ներդրմանն ուղղված քայլերը: Միջոցառման ընթացքում կխոսվի նաև հայկական կինոժառանգության պահպանմանն ու հանրահռչակմանն ուղղված համագործակցության մասին»,- նշեց Դումանյանը:
2021 թ.-ին ՅՈՒՆԵՍԿՕ-ի կենտրոնակայանում (Փարիզ) կանցկացվի ՅՈՒՆԵՍԿՕ-ի «Հռչակավոր մարդկանց և կարևոր իրադարձությունների» 2020-2021 թթ.-ի օրացույցում ներառված ֆրանսահայ մեծանուն կինոռեժիսոր Անրի Վեռնոյի 100-ամյա հոբելյանին նվիրված միջոցառումը:
Սահմանադրության նոր դրույթի համաձայն, ժամկետների թվի սահմանափակումը, որի ընթացքում նույն անձը կարող է զբաղեցնել ՌԴ նախագահի պաշտոնը, տարածվում է պետության ներկայիս ղեկավարի վրա՝ հաշվի չառնելով նրա նախագահի պաշտոնը զբաղեցնելու նախկին ժամկետները:
Սահմանադրության մեջ փոփոխություններ կատարելու մասին օրենքի նախագիծը, որը Ռուսաստանի գործող նախագահ Վլադիմիր Պուտինին իրավունք է տալիս կրկին մասնակցելու նախագահական ընտրություններին, Պետդումա էր ներկայացվել նոյեմբերի 17-ին: