Ռուսաստանի նախագահ Վլադիմիր Պուտինը տեսազանգի միջոցով բանակցություններ է վարել Գերմանիայի Դաշնային կանցլեր Անգելա Մերկելի և Ֆրանսիայի նախագահ Էմանուել Մակրոնի հետ, հաղորդում է «ՌԻԱ Նովոստին» ՝ հղում անելով Կրեմլի մամուլի ծառայությանը:
Այս բանակցությունների շրջանակներում երկրների ղեկավարները քննարկել են ընթացիկ օրակարգը. կորոնավիրուսի համավարակի դեմ պայքարը, իրավիճակը Ուկրաինայի Արևելքում և Բելառուսում, ինչպես նաև Իրանի հետ միջուկային գործարքը, Եվրամիության հետ հարաբերությունների վերականգնումը և Ալեքսեյ Նավալնիի գործը:
Մերկելը և Մակրոնը վերահաստատել են, որ Մինսկի համաձայնագրերն այլընտրանք չունեն:
Բոլոր բանակցողները կողմ են արտահայտվել Իրանի հետ միջուկային գործարքի վերաբերյալ գործողությունների համատեղ համապարփակ ծրագրի պահպանմանը և իրականացմանը, որին մասնակցում են Ռուսաստանը, Ֆրանսիան և Գերմանիան:
Ալեքսեյ Նավալնիի գործով՝ Պուտինը Մակրոնին և Մերկելին բացատրել է քրեական հետապնդման օբյեկտիվ հանգամանքները:
Պուտինը նաև հայտարարել է, որ Ռուսաստանը պատրաստ է վերականգնել ԵՄ-ի հետ բնականոն փոխգործակցությունը, եթե դրանում հետաքրքրություն ցուցաբերվի: