Մեր պարտությունը կապված է նաև միֆերի հետ, որոնք տարիներ շարունակ գեներացվել են և ձևավորել նաև մեր ընկալումները, նաև քաղաքական ակնկալիքները: Այս կարծիքն ունի նաև ռեժիսոր, թատերական գործիչ Նիկոլայ Ծատուրյանը: «Եվ այդ բոլոր միֆերը մեկը մյուսի հետ կապված են… Աշխարհը տեսնում է՝ մեզ մոտ ինչ է կատարվում՝ ըննդիմություն-իշխանություն-ֆեյքեր…»,- «Առաջին լրատվական»-ի հետ զրույցում ասաց Ծատուրյանը:
«Աղքատ, քոսոտ երկիր ենք: Մենք պետք է հետևենք Իսրայելի օրինակին… Պետք է աշխատել, որ ժամանակ չմնա բամբասանքի: Մեզ մոտ ամբողջ օրը ֆեյսբուք մտած՝ բոլորը դարձել են քաղաքագետ: Մեր ժողովուրդը դարձել է շատ ծույլ: Եթե չաշխատես, երկիրդ գնալով թուլանալու է: Ամեն մեկը իր գործով պիտի զբաղվի, ոչ թե քիթը մտցնի մի ասպարեզ, որից բան չի հասկանում»,- ասաց ռեժիսորը:
Նրա դիտարկմամբ՝ մեր հասարակությունը պատրաստ չէ դեմոկրատիայի. «Մեր հասարակությունը դարձել է հիվանդ հասարակություն»:
Ծատուրյանը նաև կարծիք հայտնեց, որ մենք էլիտա չունենք. «Երբ որ փորփրում ես ծագումնաբանությունը՝ մեկը Չբռլախ գյուղից է, մյուսը՝ Քնձռլախ»:
Մանրամասները՝ տեսանյութում:
