93 տարեկան հասակում մահացել է չեխ ռեժիսոր Վոյտեխ Յասնին, հաղորդում է The Hollywood Reporter-ը:
Յասնին 1960-ականների Չեխոսլովակի կինեմատոգրաֆիայի նոր ալիքի ներկայացուցիչ էր: Ռեժիսորը Կաննի կինոփառատոնի ժյուրիի հատուկ մրցանակին է արժանացել 1963 թ.-ի «Ահա կգա կատուն» ժապավենի համար և մրցանակի լավագույն ռեժիսուրայի համար՝ 1968 թ.-ի «Իմ բոլոր լավ հայրենակիցները» ֆիլմի շնորհիվ: Այն Չեխոսլովակիայից յոթ ընկերների պատմություն է, որը ծավալվում է 1948-ին կոմունիստների գալուց հետո: Ժապավենն արգելվել է կինոռեժիսորի հայրենիքում, դրա թողարկումից հետո նա արտագաղթել է Արևմտյան Եվրոպա: 1980-ականներին Յասնին բնակվում էր Միացյալ Նահանգներում՝ Նյու Յորքում: Հետագայում նա վերադարձավ Չեխիա:
Վոյտեխ Յասնին նկարահանել է նաև այնպիսի ֆիլմեր, ինչպիսիք են՝ «Ես վերապրեցի իմ մահը», «Մենք», «Ծաղրածուի աչքերով» և «Մինչ հանդիպում, ես պետք է գնդակահարվեմ»:
