Պաշտոնական Երևանը ողջունում է Հայոց ցեղասպանությունը ճանաչող թիվ 296 բանաձևի ընդունումը Միացյալ Նահանգների Կոնգրեսի Ներկայացուցիչների պալատի կողմից:
«Ողջունում եմ Միացյալ Նահանգների Կոնգրեսի պատմական քվեարկությունը, որով ճանաչվում է Հայոց ցեղասպանությունը: Թիվ 296 բանաձևը հաստատուն քայլ է հանուն ճշմարտության և պատմական արդարության, որը նաև սփոփանք է Հայոց ցեղասպանությունը վերապրածների միլիոնավոր ժառանգների համար», – Թվիթերում գրել է Հայաստանի վարչապետը:
Թվիթերում մեկ այլ գրառմամբ Նիկոլ Փաշինյանն իր սրտանց շնորհավորանքներն է փոխանցում հայ հայրենակիցներին աշխարհով մեկ և հիացմունքը՝ ամերիկահայերի սերունդներին, որոնց «ինքնամոռաց ակտիվիզմն ու հետևողականությունը այսօրվա քվեարկությանը հանգեցրած շարժիչ ուժը և ոգեշնչումն էին»:
Հայաստանի արտգործնախարար Զոհրաբ Մնացականյանը, իր հերթին, Թվիթերում գրառմամբ երախտագիտություն է հայտնել ԱՄՆ Կոնգրեսին: «Արդարությունը և ճշմարտությունը միասնական են թիվ 296 պատմական բանաձևի հետ: Հարգանքի տուրք Հայոց ցեղասպանության զոհերի հիշատակին: Ծանրակշիռ ուղերձ ժխտողականության դեմ: Խորը երախտագիտություն 405 քվեներից յուրաքանչյուրին: Լիազորված եմ նոր թափով աշխատելու զանգվածային վայրագությունները աշխարհի ցանկացած վայրում կանխարգելելու համար», – գրել է Մնացականյանը:
ԱՄՆ Կոնգրեսի Ներկայացուցիչների պալատը հոկտեմբերի 29-ին քվեների 405 կողմ, 11 դեմ և 3 ձեռնպահ հարաբերակցությամբ ընդունեց Հայոց ցեղասպանությունը ճանաչող թիվ 296 բանաձևը:
I salute the US Congress historic vote recognizing the Armenian Genocide. Resolution 296 is a bold step towards serving truth and historical #justice that also offers comfort to millions of descendants of the Armenian Genocide survivors.
— Nikol Pashinyan (@NikolPashinyan) October 29, 2019
My heartfelt congratulations to my Armenian compatriots all over the world and admiration to generations of Armenian-Americans, whose selfless activism and perseverance were the driving force and the inspiration behind today’s historic vote. #Neveragain!
— Nikol Pashinyan (@NikolPashinyan) October 29, 2019
Thank you #US, #USCongress. Justice & truth consolidated w/ historic HR Res 296. Tribute to memory of victims of #ArmenianGenocide. Massive message agnst #denialism. Deep gratitude to each of 405votes. Empowered to work anew for prevention of mass atrocities anywhere in the world pic.twitter.com/yncbdw07yj
— Zohrab Mnatsakanyan (@ZMnatsakanyan) October 29, 2019
