«Արսենալ»-ի գլխավոր մարզիչ Արսեն Վենգերը վստահ չէ նրանում, որ «Լիվերպուլ»-ը կկարողանա դառնալ Անգլիայի Պրեմիեր լիգայի ընթացիկ առաջնության հաղթող: Հիշեցնենք, որ Բրենդան Ռոջերսի սաները ներկա պահին գլխավորում են մրցաշարային աղյուսակը:
«Իհարկե, «Լիվերպուլ»-ը մաթեմատիկական տեսանկյունից ավելի նախընտրելի հնարավորություններ ունի: Բայց ես այլ կարծիքի եմ: «Մանչեսթեր Սիթի»-ն 2 հանդիպում պակաս է անցկացրել, ընդ որում` այդ խաղերն անցկացնելու է սեփական հարկի տակ, և այդ թիմը շատ ուժեղ է: Ես ֆավորիտ կանվանեի հենց «քաղաքայիններ»-ին: Թեև մինչև մրցաշրջանի ավարտը շատ իրադարձություններ կարող են տեղի ունենալ: Բացի այդ, «Լիվերպուլ»-ն արդեն տևական ժամանակ է, ինչ չի պայքարել չեմպիոնության համար և այդ առումով ունի փորձի պակաս: Մյուս կողմից, նրանք ամենից շատն են երազում բաղձալի արդյունքի մասին: Տեսնենք, թե ինչ կկատարվի հետագայում»,- Վենգերի խոսքերը մեջբերում է ESPN-ը:
