ՊՍԺ-ի նախագահ Նասեր Ալ-Հելաիֆին իր կարծիքն է հայտնել թիմի` Չեմպիոնների Լիգայի գավաթակիր դառնալու և վերջերս շրջանառության դրված լուրերի մասին:
«Ֆուտբոլում ամեն ինչ հնարավոր է: Մեր խնդիրն է առաջիկա հինգ տարիների ընթացքում Չեմպիոնների Լիգայի հաղթող դառնալ, և եթե հաջողվի դա անել ընթացիկ մրցաշրջանում, պարզապես հիանալի կլինի:
Այժմ պետք է բացառապես մտածենք «Չելսի»-ի դեմ խաղի մասին: Առջևում մեզ ևս 90 րոպեներ են սպասվում: Կիսաեզրափակիչի ուղեգիրը շատ կարևոր է ակումբի, երկրպագուների համար:
Ինչ վերաբերում է Մոուրինյոյին, ապա ես հարգում եմ նրան և հավանում նրա կատարած աշխատանքը: Բայց կրկնում եմ` Բլանը կշարունակի աշխատել ՊՍԺ-ում: Հուսով եմ, այս շաբաթ մենք նոր պայմանագիր կստորագրենք նրա հետ: Մեսսի, Ռոնալդուի, Պոգբայի իրավունքների ձեռքբերման մասին կասեմ, որ մեզ անհրաժեշտ չեն նոր ֆուտբոլիստներ: Մեր թիմում են Տիագո Սիլվան, Տիագո Մոտան, Մաթյուիդին, Վերատին, Իբրահիմովիչը, Կավանին, Լավեսին, Լուկաս Մոուրիան: Եզրակացություն արեք ինքներդ»,- ասել է Ալ-Հելաիֆին:
