Ժամանակակից կինեմատոգրաֆի պատմության մեջ ամենատապալված ֆիլմի կարգավիճակը շնորհվել է Disney-ի «Ջոն Կարտեր» (2012թ.) ժապավենին։ Այս մասին հաղորդում է The Hollywood Reporter պարբերականը։
Ինչպես հայտնի է, ֆիլմը պատմում է ամերիկյան զինվորական Ջոն Կարտերի մասին, որը ստիպված էր մարտնչել հանուն Մարսի ժողովուրդների ազատության։
Նշվում է, որ համաշխարհային վարձույթում ֆիլմն ընդամենը 284 միլիոն դոլար է վաստակել՝ 363,7 միլիոն բյուջեի դեպքում՝ հաշվի առնելով մարկետինգային ծախսերը։
Ընդ որում, ֆինանսական վերջնական կորուստները 136,6 միլիոն են կազմել։
