Հուլիսի 8-ին Կենտրոն և Նորք Մարաշ վարչական շրջանների ընդհանուր իրավասության դատարանում տեղի ունենացավ «Գլենդել Հիլզ» ՓԲԸ-ն ընդդեմ «Ժամանակի» գործով ևս մեկ նախնական դատական նիստ: Պատասխանող կողմի ներկայացուցիչ Նիկոլայ Բաղդասարյանն առաջարկեց վեճը տեղափոխել լրագրողական արբիտրաժային դատարան, քանի որ դատական ատյանում հայցվորն այս վեճը հաղթելու ոչ մի հեռանկար չունի:
Նա պատճառաբանեց, որ «Ժամանակի» դեմ արդեն կա մեկ այլ դատական ակտ, որով բռնագանձվելիք գումարն ավելի շատ է, քան պատասխանողի ունեցած միջոցները: Այն, իհարկե, բողոքարկվելու է, բայց եթե օրինական ուժ ստացավ, պատասխանող «Սկիզբ Մեդիա Կենտրոն» ընկերությունը սնանկ կճանաչվի և «Գլենդել Հիլզին» փոխհատուցելու բան չի մնա: Բացի դա, փաստաբանը նշեց, որ դատարանում գտնվող քաղ գործից բացակայում է լրացուցիչ հայցը, որտեղ կողմը պետք է նշած լիներ իր գումարային պահանջի չափը: Իսկ հիմնական խնդիրը օրենքի անկատարության մեջ է: Հիշեցնենք, որ նախագահող դատավոր Ա. Սուքոյանը հետաձգել էր պատասխանող կողմի ներկայացուցիչ Ն. Բաղդասարյանի միջնորդությունը` գործի վարույթը կասեցնելու և ՀՀ քաղ. օրի 1087.1 հոդվածի 2-րդ, 3-րդ, 7-րդ, 8-րդ և 11-րդ մասերը ՀՀ Սահմանադրությանը համապատասխանության հարցով Սահմանադրական դատարան դիմելու վերաբերյալ:
Հիշեցնենք, որ «Գլենդել հիլզը» «Ժամանակի» հիմնադիր «Սկիզբ Մեդիա Կենտրոն» ՍՊԸ-ից պահանջում է 2.5 մլն. դրամ փոխահատուցում` ընկերության պատիվն ու արժանապատվությունը վիրավորելու համար:
