Աշխարհահռչակ գիտնական Դմիտրի Մենդելեևը թոռնուհի է ունեցել Ճապոնիայում: Ինչպես հաղորդում է ITAR-TASS-ը, այս փաստը հայտնաբերել է «Իոմիուրի» ճապոնական թերթի լրագրողը Սանկտ-Պետերբուրգում Մենդելեևի թանգարանի այցի ժամանակ:
Այստեղ պահվում է Տակա անունով ճապոնացի աղջկա նամակը՝ ուղղված քիմիկոսի որդուն՝ Վլադիմիրին, որը եղել է ծովային սպա:
«Մեր աղջիկը ծնվել է հունվարի 28-ին: Ես նրան կոչել են Օֆուձի Ֆուձի սուրբ լեռան անունով»,- ասվում է նամակում, որը ստորագրված է՝ «Քո հավատարիմ Տակա»:
Նամակն ուղարկվել է Նագասակի քաղաքից:
Վլադիմիր մահացել է 1898թ.՝ 33 տարեկանում, հիվանդության հետևանքով: Մենդելեևը երբեք չի տեսել թոռնուհուն, սակայն պարբերաբար նյութական աջակցություն է ցուցաբերել նրան: Այս մասին իր հուշագրերում հիշում է գիտնականի դուստրը՝ Օլգան:
Ճապոնացի հետազոտողները պարզել են, որ Մենդելեևի թոռնուհու մոր անունը եղել է Տակա Հիդեսիմա: Սակայն առայժմ պարզ չէ, թե ինչպիսին է եղել Օֆուձիի ճակատագիրը:
