Չիկագոյում, որտեղ անոմալ ցուրտ եղանակ է, կենդանաբանական այգու սպիտակ էգ արջը՝ Անանա անունով, ցրտահարվել է: Այս մասին հայտնում է Associated Press-ը:
Կենդանին վատ է տանում ցածր ջերմաստիճանը, ինչի առնչությամբ որոշում է ընդունվել նրան ժամանակավորապես տեղափոխել փակ տարածք, որտեղ ջերմաստիճանը տատանվում է +4-ից +10-ի սահմաններում:
Կենդանաբանական այգու ներկայացուցիչների խոսքով՝ Անանայի մրսկանությունը բացատրվում է նրանով, որ դիետան, որը պահվում է կենդանաբանական այգում, տարբերվում է այն պայմաններից, որին սովոր են բնական միջավայրում ապրող արջերը: Ցրտին դիմանալու համար նրանք ենթամաշկային ճարպաշերտ են կուտակում՝ սնվելով ծովաշներով և կետերի դիերով, իսկ կենդանաբանական այգում արջերի սննդակարգը կազմված է պակաս ճարպային մսատեսակներից:
Չիկագոյի մեկ այլ կենդանաբանական այգուց ցրտերի ժամանակ սիրամարգը փախել է: Ի տարբերություն Անանայի, նա չի ցանկացել գտնվել փակ տարածքում: Նրան գտել են ծառի ճյուղին, որտեղից փորձել են իջեցնել մոտ 1.5 ժամ: Թռչունն ավելի ուշ մահացու ցրտահարվել էր:
Այսօր Չիկագոյում -16 աստիճան է:
