Որդուն հինգ տարով արգելել են շփվել հարազատ ծնողների հետ, քանի որ նա նրանցից մշտապես գումար է կորզել։ Դատական արգելքի համաձայն՝ 24-ամյա Մեթյու Քերլին չի կարող շփվել ծնողների հետ այն բանից հետո, երբ դատապարտվել է ընտանիքի մի քանի անդամներին հետապդնելու համար,– հաղորդում է Mirror պարբերականը։
Տղայի ծնողները՝ Փոլն ու Քորին, հավանություն են տվել դատարանի որոշմանը, քանի որ որդու վարքն իրենց մոտ տագնապ ու ուժեղ սթրես էր առաջացնում։ Ավելի վաղ Մեթյուն արդեն դատապարտվել է 32 շաբաթ ազատազրկման՝ բարեկամներին հետապնդելու համար, սակայն դա նրան չի կանգնեցրել։ Հեմփշիրի բնակիչը խախտել է դատական կարգադրությունը և մեկ օրվա ընթացքում ծնողներին զանգահարել է 30 անգամ։ Նա շարունակում էր ստել՝ գումար կորզելու համար։
Նա ծնողներին ասել էր, որ հարցազրույցի է հրավիրված և պետք է սափրվեր, սակայն սափրիչը կոտրվել է։ Ծնողները նրան գումար են տվել, սակայն հաջորդ օրը նա եկել է մորուքով։ Արդյունքում դա իսկական հետապնդման է վերածվել։
Հիմա, ամեն դեպքում, տղան պնդում է, որ բանտում անցկացրած ժամանակը իրեն օգնել է վերագնահատել կյանքը և ինքն այլևս չի անհանգստացնելու իր ծնողներին։
