ԱՄՆ պաշտպանության նախարար Չակ Հեյգելն այսօր հայտարարել է, որ Իրանի հետ դիվանագիտությունը պետք է ամրապնդվի ռազմական հզորությամբ՝ հաղորդում է Reuters-ը:
«Մեր հաջողությունը կախված կլինի ԱՄՆ ռազմական հզորությունից և Մերձավոր Արևելքում մեր դաշնակիցների և գործընկերների վստահությունից»,- հայտարարել է Հեյգելը:
Նրա խոսքերով՝ չնայած այն բանին, որ դիվանագիտությունն առաջ է շարժվում, ԱՄՆ-ի անվտանգությունը կերաշխավորեն ռազմական ինքնաթիռները, նավերը, տանկերը, 35 հազար զինծառայողները:
Պենտագոնի ղեկավարը նաև նշել է, որ պաշտպանության նախարարությունն ավելի շատ ուշադրություն կդարձնի իր գործընկերների ներուժի զարգացմանը՝ տարածաշրջանում ամերիկյան ռազմական ներկայությանը հավելյալ աջակցություն ցուցաբերելու համար:
