Առավոտյան ժ. 6-ի սահմաններում անժամանակ մահացել է հայտնի պլաստիկ վիրաբույժ, Մոսկվայի Մարդու վերարտադրողական կենտրոնի տնօրեն, 55-ամյա Անդրեյ Հակոբյանը: Այդ մասին հայտնում է lifenews.ru-ն:
«Նա ընդհանրապես չէր հիվանդանում, աշխատավայրում առանձնապես մտահոգություններ չուներ, հնարավոր է՝ դա եղել է ինչ-որ տրոմբ, սակայն դեռ դիահերձում չի կատարվել: Գիշերը նա զանգել է մորը, մաղթել է բարի գիշեր և շատ կենսուրախ է եղել: Իսկ առավոտյան նա մահացած էր»,- պատմել է վիրաբույժի օգնական ու ընկեր Յուրին:
Հայտնի վիրաբույժի գործընկներների խոսքով՝ վերջին շրջանում Անդրեյ Հակոբյանը շատ գիտական աշխատանքներ է գրել, կատարել շատ վիրահատություններ: Սակայն ասել, որ ծանրաբեռնվածոթյունը ծայրահեղ է եղել՝ չի կարելի:
Ենթադրաբար, նրա հրաժեշտի արարողությունը տեղի կունենա չորեքշաբթի:
Ա. Հակոբյանը բազմաթիվ պատենտների ու հայտնագործությունների հեղինակ է, որոնցից 7-ը մենագրություններ են, ավելի քան 100 գիտական աշխատանքներ է հեղինակել:
Անդրեյ Հակոբյանը ճանաչվել էր «Տարվա մարդ»: Նա պլաստիկ վիրահատություններ է արել բազմաթիվ աստղերի, խոշոր գործարարների ու հայտնի անձանց:
