Չինաստանի զինվորականները յուրացնում են 2500 տարի առաջ հայտնի զորավար Սուն Ցզիի կողմից նկարագրված ռազմավարությունը, որի հիմքում «հաղթել պատերազմում՝ առանց ճակատամարտում մասնակցություն ունենալու» սկզբունքն է։ Այս մասին հաղորդում է ամերիկյան National Interest պարբերականը՝ հղում անելով RAND Corporation-ի հետազոտությանը։
Հեղինակների խոսքերով՝ ԱՄՆ–ի հետ բախման դեպքում չինացի զինվորականները կփորձեն այնպես անել, որ ամերիկացիները չկարողանան ցամաքում, ծովում և օդում գերճշգրիտ զենք օգտագործել։
Չինաստանը շեշտը դնելու է տվյալների մշակման և հրամանատարության հրամանների փոխանցման ամերիկյան համակարգերը շարքից հանելու վրա։ Տեղեկատվական ազդեցության մեթոդների կիրառմամբ՝ Չինաստանի բանակը պարզապես «դուրս կմղի» հակառակորդին մարտի դաշտից,– վստահեցնում են փաստաթղթի հեղինակները։
