Facebook սոցցանցի անվտանգության քաղաքականությունը օգտատերերի շարքում միշտ եղել է քննարկումների առարկա: Խոսքը մասնավորապես դեռահաս օգտատերերի համար վերջին շրջանում արված փոփոխությունների մասին է: Նրանց տրվում է հրապարակայնորեն գրառումներ կատարելու ու լուսանկարները հրապարակելու հնարավորություն: Այս մասին հայտնում է ABC-ն:
Փորձագետներն անվտանգությանն առնչվող մտավախություններ ունեն՝ կապված դեմքի ճանաչման տեխնոլոգիայի կիրառման հետ: Facebook-ի օգտատերերն ամսական ներբեռնում են 2.5 միլիարդ լուսանկար:
Facebook-ում պատասխանել են, որ իրենց կոդավորումը թույլ չի տա երրորդ անձանց հասանելիություն ստանալ լուսանկարների բազային, չնայած 2013-ին նրանց նոր Graph search լուսանկարների որոնման գործառույթը փորձագետներին այլ բան է հուշում: