«Այստեղ շատ նպաստավոր միջավայր է ձեռներեցության, նորարարության, նոր բիզնես գաղափարների համար: Եվ մենք դա տեսել ենք ՏՏ ոլորտում, այստեղ հայաստանյան ընկերությունները ստեղծում են իրենց պրոդուկտները և նաև աշխատում են աշխարհի տարբեր վայրերի տեղեկատվական տեխնոլոգիաների կառույցների, այդ թվում՝ Սիլիկոնյան հովտի կառույցների հետ: Եվ պետք է պաշտպանված լինեն մարդիկ, ովքեր ստեղծում են, իրենց մտքի պրոդուկտներն են ձևավորում. մեկը կարող է Apple-ի համար ծրագրային հավելված մշակել, մյուսը կարող է տեսանյութ տեղադրել Յութուբում: Անհրաժեշտ է, որ պաշտպանված լինեն, և Հայաստանում պետք է ավելին արվի մտավոր սեփականության պաշտպանության ուղղությամբ»,- Ձեռներեցության համաշխարհային շաբաթվան նվիրված ամփոփիչ միջոցառմանը, անդրադառնալով «Առաջին լրատվական»-ի հարցին, թե որքանով է Հայաստանը նպաստավոր դաշտ ստեղծում ձեռներեցությամբ զբաղվելու համար, ասաց Հայաստանում ԱՄՆ արտակարգ և լիազոր դեսպան Ռիչարդ Միլսը:
Հարցին՝ եթե Հայաստանում աշխատանք կա, ապա ինչո՞ւ են մարդիկ արտագաղթում, դեսպանը նշեց. «Իրավացի եք, այո, Հայաստանում դեռևս դժվարին տնտեսական վիճակ է, չեմ ուզում ձևացնել, որ դա այդպես չէ, չնայած այս տոնավաճառում ներկայացված են բավականին մեծ թվով աշխատատեղեր: Ես չեմ կարող ասել, թե Հայաստանից մարդիկ ինչու են հեռանում, բայց կարող եմ ասել, որ եթե Հայաստանը շարունակի տնտեսական բարեփոխումներին, ձեռներեցության խթանմանը, քաղաքացիական հասարակությանը և ժողովրդավարության ամրապնդմանն ուղղված իր ջանքերը, ապա մարդիկ ավելի ու ավելի շատ կուզենան մնալ իրենց երկրում»,- ասաց դեսպանը:
Ամբողջությամբ՝ տեսանյութում:
