Ամերիկացի հետազոտողները պարզել են, որ 52-56 մլն տարի առաջ հզոր տաքացումները պայմանավորված են եղել մթնոլորտում ածխաթթու գազի ընդամենը միլիոնի 1000-րդական մաս խտությամբ, այլ ոչ թե 2000, ինչպես մինչ այժմ կարծում էին։ Դա նշանակում է, որ մեր մոլորակը շատ ավելի զգայուն է CO2-ի խտության նկատմամբ, քան ենթադրվում էր։ Այս մասին հոդվածը տպագրվել է Earth and Planetary Science Letters-ում։
Հնագույն ժամանակներում ածխաթթու գազի մակարդակը պարզելու համար սովորաբար օգտագործում են անտարկտիկական սառույցի նմուշներ, որոնցում մնացել են հնագույն մթնոլորտի պղպջակներ։ Սակայն 30 մլն տարի առաջ կլիման ավելի տաք է եղել, և Անտարկտիդայի տարածքում մշտական սառույցներ չեն եղել, ուստի ավելի վաղ ժամանակներում CO2-ի խտությունը դժվար է պարզել։
Այդ պատճառով ամերիկացի հետազոտողները համեմատել են ածխածին-12 և ածխածին-13 իզոտոպերի համամասնությունը ծովի հատակի նստվածքներում։ Պարզվել է, որ 52-56 մլն տարի առաջ մթնոլորտում ածխաթթու գազի մոտ կեսը առաջացել է հալոցքի հետևանքով՝ հասնելով միլիոնի 1000-րդական մաս խտության, ինչն էլ հանգեցրել է գերտաքացման։
Ներկայումս Երկրագնդի մթնոլորտում ածխաթթու գազի խտությունը միլիոնի 416-րդական մաս է, այլ կերպ ասած՝ մեր մոլորակը շատ ավելի մոտ է մեծամասշտաբ տաքացումներին, քան ենթադրվում էր մինչ այժմ։
