Իտալիայի նախկին վարչապետ Սիլվիո Բեռլուսկոնին, ով հանդիսանում է «Ազատության ժողովուրդ» կուսակցության ղեկավար և ով նախկինում պահանջել է գործող կոալիցիոն կառավարության հրաժարականը, հայտարարել է, որ կաջակցի Էնրիկո Լետայի գլխավորությամբ նախարարների խորհրդի հետագա աշխատանքին: Այս մասին հայտնում է RIA Novosti-ն:
Այսօր Սենատում դեբատներ էին անցկացվում, որոնց ժամանակ վարչապետ Էնրիկո Լետան իր կառավարության համար վստահության քվե է խնդրել: Թեժ քննարկման ժամանակ Բեռլուսկոնին մի քանի անգամ հայտարարել է, որ իր կուսակցությունը չի աջակցի գործող նախարարական խորհրդին, սակայն իր ելույթի ընթացքում, որը տեղի է ունեցել Սենատի հանդիպման մեկնարկից 4 ժամ անց, Բեռլուսկոնին հայտարարել է, որ փոխել է որոշումը:
Բեռլուսկոնիի որոշումը փաստացի նշանակում է, որ Լետան կստանա ձայների անհրաժեշտ մեծամասնությունը:
