Strategy Analytics վերլուծական ընկերությունը հրապարակել է հերթական հաշվետվությունը՝ նվիրված սմարթֆոնների շուկային: 2017թ. առաջին եռամսյակում ամենաշատ վաճառված սմաթֆոնը ամերիկյան Apple կորպորացիայի iPhone 7-ն է:
«Մեր գնահատմամբ՝ Apple ընկերության iPhone 7-ի մատակարարումները կազմել են 21,5 մլն միավոր: IPhone 7-ն այսօրվա դրությամբ սմարթֆոնների՝ աշխարհում ամենամեծ ժողովրդականություն վայելող մոդելն Է օգտատիրոջը հարմար դիզայնի և մանրածախ լայն ցանցի գրավիչ համադրության շնորհիվ»,-հայտարարել Է Strategy Analytics-ի ավագ վերլուծաբան Յուխա Վինտերը, որի խոսքը մեջբերված Է հաղորդագրության մեջ:
Ավելի մեծ Էկրանով և ավելի բարձր գնով iPhone 7 Plus-ի մատակարարումները հունվար-մարտ ամիսներին կազմել են 17,4 մլն միավոր: «Այսօր Apple-ին են պատկանում աշխարհում առավել մեծ տարածում գտած հինգ սմարթֆոններից երկուսը»,-հավելել Է Վինտերը:
Ամենավաճառվող սմարթֆոնների շարքում երրորդ տեղն զբաղեցրել Է OPPO չինական արտադրողի ֆլագմանը՝ R9s-ը: Այս մոդելին բաժին Է ընկնում առաջին եռամսյակում ամբողջ շուկայի 3 տոկոսը, համաշխարտային մատակարարումները կազմել են 8,9 մլն միավոր:
OPPO ընկերությունն այնքան Էլ հայտնի չԷ արեւմտյան շուկայում, բայց նրա բրենդը շատ մեծ ժողովրդականություն Է վայելում Չինաստանում եւ արագորեն տարածվում Է Հնդկաստանում:
Strategy Analytics-ի տվյալներով՝ առաջին եռամսյակում
սմարթֆոնների համաշխարհային մատակարարումները տարեկան արտահայտությամբ աճել են 6 տոկոսով և հասել 353,3 մլն միավորի: Հունվար-մարտ ամիսներին ամենավաճառվող սմարթֆոնների հնգյակում նաև տեղ են գտել Samsung Galaxy J3-ը և Samsung Galaxy J5-ը:
