Հռոմի պապ Ֆրանցիսկոսը երկուշաբթի ընդունել է Facebook սոցցանցի հիմնադիր Մարկ Ցուկերբերգին։ Այս մասին լրագրողներին հայտնել է Սուրբ գահի մամլո ծառայության ղեկավար Գրեգ Բերքը։
«Նրանք խոսել են այն մասին, թե ինչպես կարելի է հաղորդակցական տեխնոլոգիաները կիրառել աղքատության դեմ պայքարի համար, խթանել հանդիպման մշակույթը և այնպես անել, որ հույսի ուղերձը հասնի բնակչության ամենախոցելի շերտերին»,- Բերքի խոսքերն է մեջբերում Il Messaggero-ն։
Մամլո ծառայության ղեկավարը նաև նշել է, որ Ցուկերբերգը հովվապետի մոտ ընդունելության է եկել իր կնոջ՝ Պրիսցիլլա Չանի հետ։
Ինչպես հայտնել է սոցցանցի հիմնադիրն անձամբ, ինքը Հռոմ է ուղևորվել՝ ելույթ ունենալու երկրի առաջատար համալսարաններից մեկի՝ Luiss-ի ուսանողների առջև։
