Հունիսի 18-ին Կարելիայում տեղի ունեցած աղետի կապակցությամբ Երևանի քաղաքապետ Տարոն Մարգարյանը ցավակցական հեռագիր է հղել Մոսկվայի քաղաքապետ Սերգեյ Սոբյանինին: Հեռագրում մասնավորապես ասված է. «Երևանի բոլոր բնակիչների և անձամբ իմ անունից անկեղծորեն ցավակցում եմ Կարելիայում տեղի ունեցած աղետի հետևանքով զոհված երեխաների կապակցությամբ:
Մեզանից յուրաքանչյուրն այսօր խորապես զգում է զոհերի հարազատների ու մտերիմների անդառնալի կորստի ցավը և անկեղծորեն վշտակցում նրանց:
Մեր ցավակցություններն ու զորակցությունը, խնդրեմ, փոխանցեք բոլոր զոհվածների հարազատներին ու մտերիմներին»:
