Քեմբրիջի համալսարանի պրոֆեսոր Փիթեր Ուոդհեմսը կանխատեսել է ժամկետները, որոնց ընթացքում Արկտիկան վերջին հարյուր հազար տարվա մեջ առաջին անգամ լիովին կազատվի սառույցից: Այդ մասին գիտնականը հայտնել է The Independent պարբերականին:
Ուոդհեմսը ենթադրում է, որ Արկտիկան կկորցնի սառցե ծածկը այս կամ հաջորդ տարում: Իր ենթադրությունները գիտնականը հիմնավորում է հյուսիսային կիսագնդում գոյություն ունեցող հալման տեմպերով և ԱՄՆ-ի սառույցի և ձյան ազգային կենտրոնի տվյալներով: Դրանց համաձայն` 30 տարի առաջ Արկտիկայի սառցե ծածկույթի (ձմռանը) առավելագույն մակերեսը կազմել է 12.7 միլիոն քառակուսի կիլոմետր: 2016 թվականին այդ ցուցանիշը եղել է 11.1 միլիոն քառակուսի կիլոմետր:
1.6 միլիոն քառակուսի կիլոմետր տարբերությունը համեմատելի է 6 այնպիսի երկրների մակերեսի հետ, ինչպիսին Մեծ Բրիտանիան է: Անցյալ տարվա ռեկորդային ցածր ցուցանիշը կազմում է 3.4 միլիոն քառակուսի կիլոմետր, և գիտնականի կարծիքով ամռան վերջին այն կարող է գերազանցվել, երբ ծածկույթի մակերեսը կհասնի ընդամենը միլիոն քառակուսի կիլոմետրի կամ նույնիսկ զրոյի:
Այն դեպքում, երբ ամբողջ սառույցը հալվի, նրա մնացորդները կարող են կուտակվել Կանադայի հյուսիսայի մասում` բազմաթիվ կղզիների միջև, իսկ Ռուսաստանին մոտ տարածքում այն չպետք է մնա: Վերջին անգամ Արկտիկան սառույցից ամբողջովին ազատվել է 100-120 հազար տարի առաջ:
Արկտիկայի սառույցների հալվելը կհանգեցնի միջին ջերմաստիճանի բարձրացմանը 0.6 0 C-ով: Իսկ ԱՄՆ-ից պրոֆեսոր Ջենիֆեր Ֆրենսիսը ենթադրում է, որ հյուսիսը սառույցից ամբողջովին կազատվի միայն 2030-2050 թվականներին:
