Պետդումայի պատգամավորներ Ալեքսեյ Ժուրավլյովը ու Սերգեյ Ժիգարյովը առաջարկել են Ռուսաստան մուտք գործող միգրանտների համար պարտադիր դարձնել 30 հազար ռուբլու հատուկ արժեթղթերի գնումը, հաղորդում է «Կոմերսանտը»:
Համապատասխան օրինագիծն արդեն պատրաստ է։ Այն Պետդումա կմտցվի փորձագետների եզրակացություններից հետո։ Փաստաթղթի հեղինակներն առաջարկում են ստեղծել հատուկ միգրացիոն արժեթուղթ, որը հաստատում է ներգաղթյալի վճարունակությունը նրա արտահանձնման դեպքում:
Ռուսաստանից դուրս գալուց հետո նման արժեթուղթը կմարվի: Օրինագծի հեղինակները կարծում են, որ դրա ընդունումը կնվազեցնի քրեական իրավիճակը ու բյուջեն կհամալրի 225 մլրդ ռուբլով, ինչպես նաև կօգնի պահպանել «Ռուսաստանի Դաշնության տարածքային ամբողջականությունը»:
Պատգամավորների տվյալներով՝ 2011 թ. Ռուսաստանից արտաքսվել է 28 հազար, իսկ 2012-ին՝ 35 հազար մարդ:
Ընդ որում՝ ինչպես նշում են օրինագծի հեղինակները, մեկ միգրանտի տարհանման վրա պետությունը ծախսում է 30-40 հազար ռուբլի:
Նրանց կարծիքով՝ այդ ծախսերը «կընդգծեն պետության՝ միգրանտների աշխատանքից տնտեսության վրա դրական ազդեցությունը»:
Բացի այդ,՝ պատգամավորները նշել են, որ մոտ 2,5 մլն ներգաղթյալ Ռուսաստանում ամեն տարի ենթարկվում է վարչական պատասխանատվության:
Միևնույն ժամանակ, պարբերականի կողմից հարցման ենթարկված փորձագետները կարծում են, որ առաջարկված միջոցառումները խտրականություն են ներգաղթյալների նկատմամբ, քանի որ օրենքը փաստացի նրանց համարում է «օրենք խախտելու հակված»։