Գիտնականները ապացուցել են, որ հասակի և գոտկատեղի հարաբերությունը կարող է ազդել կյանքի տևողության վրա, հայտնում է woman-talk.com-ը: Լոնդոնում 20 տարի տևած հետազոտությունը ցույց է տվել, որ գոտկատեղի ամենաառողջ ծավալը չպետք է գերազանցի հասակի կեսին:
Եթե գոտկատեղի ծավալը հասնում է հասակի 80%-ին, ապա մարդու կյանքը կարող է կրճատվել 20 տարով:
Այսպիսով, բժիշկները խորհուրդ են տալիս ուշադրություն չդարձնել մասսայի ինդեքսի վրա, այլ հետևել գոտկատեղի ծավալին, քանի որ այդ ցուցանիշը համարվում է հիմնականը կյանքի տևողության որոշման մեջ: Նրանք նշել են, որ մասսայի ինդեքսը հաշվարկելիս հաշվի չի առնվում մկանային մասսայի և ճարպային հյուսվածքների տարբերությունը:
Մասնագետների կարծիքով` վտանգավոր է ոչ թե ավելորդ քաշը, այլ այն, թե դա ինչպես է տեղաբաշխված մարդու մարմնում:
