Ադրբեջանական APA լրատվական գործակալության փոխանցմամբ՝ Ադրբեջանում Թուրքիայի դեսպան Իսմաիլ Ալփեր Ջոշքունը լրագրողների հետ զրույցում հայտարարել է, որ 2016 թվականը Թուրքիայի ու Ադրբեջանի հարաբերություններում կդառնա էներգետիկայի ու տրանսպորտի տարի։
Նա ընդգծել է, որ չնայած որոշ շահարկումներին՝ TANAP գազատարի նախագիծը կավարտվի. «Այս տարի մենք կբացենք «Բաքու-Թբիլիսի-Կարս» երկաթուղին։ Մնացել են միայն թուրքական հատվածի կառուցման հետ կապված հարցեր։ Իրականում աշխատանքները պետք է ավարտվեին նախորդ տարի։ Սակայն ի հայտ են եկել իրավաբանական մի շարք խնդիրներ։ Այս տարի աշխատանքը կավարտվի»։
Դեսպանը հավելել է, որ Բարձր մակարդակի համագործակցության խորհրդի նախապատրաստական աշխատանքները շարունակվում են։
