Հյուսիսային Կորեայի առաջնորդ և գլխավոր հրամանատար Կիմ Չեն Ինը վերջին երկու շաբաթում առաջին անգամ հանրության մեջ հայտնվել է Արևի օրը՝ իր պապի ծննդյան օրը: Նա այցելել է Կիմսուսանի պալատ, որտեղ Կիմ Իր Սենի ծննդյան 101-ամյակի առիթով ծաղկեպսակներ է դրել՝ «Մեծ ընկերներ Կիմ Իր Սենն ու Կիմ Չեն Իրը հավերժ կմնան մեզ հետ» գրություններով: Այս մասին հայտնում է RIA Novosti-ն՝ հղում անելով Yonhap գործակալությանը:
Այսօր երկրում պետական տոն է: Հյուսիսային Կորեայի հիմնադիր Կիմ Իր Սենի պատվին այսօր Փխենյանում կանցկացվի զորահանդես և կլինեն ելույթներ՝ նվիրված երկրի առաջին ղեկավաին: Կբացվեն նաև արվեստի գործերի ցուցահանդեսներ:
Հյուսիսկորեական ԶԼՄ-ների փոխանցմամբ՝ շատ երկրների կառավարություններ և տարբեր միջազգային կազմակերպություններ շնորհավորանքներ են հղել՝ գովաբանելով «Կորեայի աշխատանքային կուսակցության» կենտրոնական կոմիտեի առաջին գլխավոր քարտուղարի ծառայությունները:
Նշվում է, որ այս տարի Կին Չեն Ինին միջոցառման ժամանակ ուղեկցել են բացառապես զինվորական համազգեստով անձինք: