Uber ընկերության տաքսիստը, որը մեղավոր է ճանաչվել հաճախորդուհու բռնաբարության մեջ, դատապարտվել է ցմահ ազատազրկման: Այս մասին հայտնում է NDTV հեռուստաալիքը՝ վկայակոչելով դատարանի վճիռը:
Հանցագործությունը, որի համար մեղադրվում էր 32-ամյա վարորդ Շիվ Կումար Յադավը, իրագործվել է 2014թ. դեկտեմբերի 5-ին: Այդ ժամանակ Յադավը Գուրագոն քաղաքում փոխադրել է ֆինանսիստ կնոջ, որը նոր էր աշխատանքն ավարտել: Հեռուստաալիքի տեղեկությամբ՝ Յադավը տուժածին սպառնացել է երկաթե ձողով՝ կնոջ մոտ ասոցիացիա առաջացնելով 2012թ. աղմկոտ հանցագործության հետ, որի հետևանքով աղջիկը մահացել է, իսկ հանցագործները դատապարտվել են մահապատժի:
Յադավին առաջադրվել է բռնաբարության, ամուսնության դրդելու նպատակով առևանգման, սպառնալիքների և առողջությանը վնաս հասցնելու մեղադրանքներ: Նա մեղավոր է ճանաչվել առաջադրված բոլոր մեղադրանքներով: