Վրաստանի նախկին նախագահ Միխեիլ Սաակաշվիլին եղել է Ռիգայում «Աստոն Ռիգա» հյուրանոցի դիմաց, հայտնում է iPress գործակալությունը: Սաակաշվիլին հարցազրույց է տվել գործակալությանը:
Հարցին՝ ինչ կարգավիճակով է ինքը Ռիգայում, ում է ներկայացնում՝ ի պատասխան Սաակաշվիլին ասել է. «Տվյալ դեպքում ես «Ազգային շարժման» ղեկավարն եմ: Սակայն որոշ տեղեր ես գնում եմ` որպես Ազգային կուսակցության անդամ, որոշ տեղեր՝ որպես Ուկրաինայի խորհրդականների խորհրդի նախագահ: Ես քաղաքական գործիչ եմ, և մենք քաղաքական դպրոց ենք ստեղծել, որը շատ կողմնակիցներ ունի Եվրոպայում: Մենք` Վրաստանը, դեռևս իմ կառավարման ժամանակ, ստեղծել ենք ժամանակակից հաջող քաղաքական դպրոցներից մեկը, և այն գործում է տարբեր երկրների կառավարություններում, քաղաքական շարժումներում և հանգիստ քնելու հնարավորություն չի տալիս, օրինակ՝ մեր թշնամիներին Ռուսաստանում»:
Սաակաշվիլին նշել է, որ Վրաստանի մասին մտածելիս առաջին միտքը լինում է, որ ամենը, ինչ տեղի է ունենում հիմա, ժամանակավոր է:
Սաակաշվիլին նշել է, որ անպայման կմեկնի Վրաստան:
