Ակնհայտ է, որ մարդու ֆիզիկական գոյությունը կախված է սննդից, սակայն այսօր հասարակությունը փոխել է ուտելիքի հանդեպ իր վերաբերմունքը՝ դրան հաղորդելով այլ նշանակություն։ Օրինակ՝ մարդիկ մի աման հատապտուղներով վարսակն ընկալում են որպես արվեստ։ Եթե այսօր բուն ուտեստով ուտելու սիրահարներին զարմացնելը դժվար է, ապա դա անում են՝ դրան Գինեսի ռեկորդների գրքին արժանի ահռելի չափեր տալով։
10. Պաղպաղակի ամենամեծ եղջյուրը։
Kemps Diary ընկերությունը համաշխարհային ռեկորդ է գրանցել՝ հանրությանը ներկայացնելով պաղպաղակի ամենամեծ գդալը՝ Ելակին նվիրված՝ Սեդարբերգում անցկացվող ամենամյա փառատոնի ժամանակ, անցյալ տարի։ Ամբողջ պաղպաղակը տեղավորված էր 733 տարայի մեջ, որոնց ամբողջ մակերեսը հավասար էր ֆուտբոլի դաշտի մակերեսի։ Ամերիկացի 5 ամենահայտնի քանդակագործների միջոցով, որոնք մասնագիտացած են ձյունե քանդակներ պատրաստելու մեջ, ամբողջ պաղպաղակը ձևավորվեց որպես աշխարհի ամենամեծ եղջյուրիկ՝ 1365 կգ քաշով։ Այս փաստը գրանցվել է Գինեսի ռեկորդների գրքում։
9. Գետնանուշի կարագով ամենամեծ ափսեն
Վերմունոտում հրուշակեղենի խանութի սեփականատեր Նիկ Մոնթեն 2013 թ., խառնելով 104 կգ շոկոլադ և գետնանուշի յուղ, ստացավ գետնանուշի կարագի՝ աշխարհում ամենամեծ ափսեն։ Կաթնային շոկոլադի շերտերը ձեռքով տեղադրվել էին 1.5 մ տրամագիծ ունեցող կաղապարի մեջ, իսկ միջուկը գետնանուշի սերուցքային կարագն էր։
8. Ամենամեծ վաֆլին։
Նախաճաշը սննդի ամենակարևոր ընդունումն է։ Վաֆլիից լավ բան չկա. շա՜տ մեծ վաֆլիից։ Նրա քաշը 50 կգ էր և թխվել էր Նիդերլանդներում 2013 թ., Stichting Gouda Oogst ընկերության կողմից։ Տրամագիծը 2,47 մետր էր։ Պատրաստման համար օգտագործվել է 60 կգ խմոր և 15 կգ օշարակ։ Այսքան մեծ վաֆլին թխվել է 3 տոննա քաշ ունեցող թավայի մեջ։ Այն բանից հետո, երբ քաղաքապետն առաջինը փորձեց վաֆլին, 3000 կտոր բաժանեցին հիացած հանդիսականներին։
7. Ամենամեծ շոկոլադե դրամը
Ամենամեծ շոկոլադե դրամը 658 կգ է։ Այն հանրությանն է ներկայացվել Ciocco Show Exhibition ցուցահանդեսի ժամանակ՝ կազմակերպված BF Servizi SRL ընկերության կողմից Բոլոնիա քաղաքում 2012թ.։
6. Ամենամեծ հոթ-դոգը
2011 թ. Դեն Էբբետը պատրաստեց ամենամեծ հոթ-դոգը, որը գրանցվեց Գինեսի ռեկորդների գրքում։ Դրա քաշը 3.18 կգ էր, երկարությունը՝ 41 սմ, իսկ տրամագիծը՝ 10 սմ։ Յուրաքանչյուր ցանկացող կարող էր գնել այն 40 դոլարով։
5. Աշխարհի ամենամեծ պիցցան
2012 թ. «Աշխարհի ամենամեծ պիցցա» տիտղոսը ստացավ իտալացիների պատրաստած պիցցան։ Առաջին ռեկորդը, որը պահպանվեց 22 տարի, գրանցվել էր Հարավաֆրիկյան Հանրապետությունում: «Մարգարիտա» պիցցայի տրամագիծը 40 մ էր։ Դրա պատրաստման համար օգտագործվել է 9 տոննա ալյուր, 4536 կգ տոմատի մածուկ, 3992 կգ մոցարելլա պանիր, 675 կգ մարգարին, 250 կգ աղ, 100 կգ հազարի տերևներ և 25 կգ քացախ։ Պիցցայի ընդհանուր քաշը 23 250 կգ էր։ 48 ժամվա ընթացքում հինգ իտալացի խոհարարներ թխում էին պիցցայի 5000 մասնիկներ։ Ռեկորդի գրանցումից հետո այն բաժանեցին մասերի և տվեցին Հռոմի մանկատներին։
4. Ամենամեծ սամսան
Բանջարեղենային միջուկով ամենամեծ սամսան, որի քաշը 110,8 կգ էր, պատրաստվել է Բրեդֆորդի քոլեջի կողմից՝ Մեծ Բրիտանիայի «Պրաշադ» աստղային ռեստորանի հետ համագործակցությամբ, 2012 թ.։ Եռանկյունաձև սամսան ուներ 135х85х29 սմ չափերը։ Միջուկի պատրաստման համար օգտագործվել է 60 կգ կարտոֆիլ, 25 կգ սոխ, 15 կգ ոլոռ, 12 բուռ համեմ, 300 չիլի պղպեղ և 250 շիշ ձեթ։
3. Ամենաերկար սենդվիչը
2011 թ. երեք թիմեր՝ բաղկացած 136 անդամից և 639 կամավորներից, որոնք օգնում էին լցոնել սենդվիչները, պատրաստեցին ամենաերկար բուտերբրոդը։ Լիբանանում ստեղծված սենդվիչը 557 կգ էր, երկարությունը՝ 735 մ։ Պատրաստման վրա մեկ ամբողջ օր է ծախսվել։ Միջուկը բաղկացած էր կրծքամսից, հազարի տերևներից, լոլիկից, թթու վարունգից, մայոնեզից, աղից, քացախից, մանանեխից և սպիտակ պղպեղից, կիտրոնի հյութից, համեմունքներից՝ ներառյալ համեմը։ 2008 թ. Իրանում փորձել են ռեկորդ գրանցել, սակայն՝ անհաջող։ Իրանական սենդվիչի երկարությունը 1500 մ էր, քաշը՝ 700 կգ։ Միջուկի պատրաստման համար օգտագործվել է 700 կգ ջայլամի միս և 700 կգ հավի միս։ Սակայն երբ այն պաշտոնապես կշռում էին, մարդիկ սկսեցին մասերի բաժանել՝ խախտելով ընթացքը։
2. Վարսակի շիլայի ամենամեծ կաթսան
2012 թ. Իռլանդիայում փառատոնի ժամանակ պատրաստվել է վարսակի շիլայով ամենամեծ կաթսան, որի քաշը 1 380 կգ էր։ Այսպիսով, նախորդ ռեկորդից առաջ անցան։ Իսկ նախորդը պատկանում էր ռուսներին, որոնց շիլան 865 կգ էր։ 1,4 մ տրամագծով և 1,7 մ բարձրությամբ այս կաթսան հատուկ միջոցառման համար էր պատրաստվել։ Շիլայի պատրաստման համար օգտագործվել էր 150 կգ վարսակ, 1.21 տոննա ջուր և 30 լիտր կաթ։
1. Բաժակներից պատրաստված ամենաբարձր շատրվանը
2008 թ. Բելգիայում Լյուկ Բրոսն ու իր թիմը 43680 բյուրեղյա բաժակներից՝ տեղադրված 63 հարկերի վրա, պատրաստեցին ամենաբարձր շատրվանը։ Հետաքրքիր է՝ որքա՞ն շամպայն կպահաջվեր բոլոր բաժակները լցնելու համար։
