Եվրասիական տնտեսական միության (ԵՏՄ) երկրները մտադիր են մշակել Ռուսաստանի Կալինինգրադի մարզից ու Հայաստանից ապրանքների տեղաշարժման կարգը, Մինսկում այսօր հայտնել է Եվրասիական տնտեսական հանձնաժողովի մաքսային համագործակության նախարար Վլադիմիր Գոշինը: Այս մասին տեղեկացնում է RIA Novosti-ն:
Բելառուսը դեկտեմբերից Կալինինգրադի մարզում կանգնեցրել էր մոտ 30 մեքենա, որոնք տեղափոխում էին հեռուստատեսային տեխնիկա, որն ուղարկվում էր Մոսկվա՝ վաճառքի:
Տեխնիկայի մի մասի վրա կալանք էր դրվել:
Բելառուս մաքսավորները կասկածել էին ձեռնարկությանը, որ նրանք չեն արտադրում, այլ միայն Մաքսային միությունում օրինականացնում են չինական արտադրանքը:
Կալինինգրադի բիզնեսի ներկայացուցիչները նույնպես հայտարարել էին, թե Բելառուսի մաքսայինները պահում են դատարկ բեռնատարները, որոնք Կալինինգրադից Ռուսաստանի շրջաններ են տեղափոխել հեռուստատեսային տեխնիկա:
«Մենք մշակել ենք Կալինինգրադի մարզում դեպի Մաքսային միության մյուս տարածքներ ապրանքների տեղաշարժի կարգի մասին համաձայնագրի նախագիծ: Հիմա այն փոփոխությունների կենթարկվի, քանի որ նման իրավիճակում է հայտնվել Հայաստանը (չունի սահմաններ միության հետ)»,- ասել է Գոշինը:
Նա հավելել է, որ ապրանքների տեղաշարժի կարգն ամբողջությամբ կանոնակարգվել է ըստ այդ համաձայնագրի:
