«Առաջին լրատվական»-ի զրուցակիցն է ԱԺ ՀՅԴ խմբակցության ղեկավար Արմեն Ռուստամյանը:
– Պարոն Ռուստամյան, ԲՀԿ-ի հետ տեղի ունեցածից հետո ընդդիմադիր քաղաքական ուժերը ի՞նչ պետք է անեն, որ իշխանությունը զերծ լինի նման գործողություններից, կամ ինչպես Դուք եք նշում՝ չսպառնա արյունահեղությամբ:
– Հաջողելու համար ընդդիմությունը պետք է անի այն, ինչ ՀՅԴ-ն. մենք գործել ենք ծրագրավորված, հստակ, հասկանալի առաջարկություններով։ Պետք է հանդես գա ոչ միայն դժգոհի կարգավիճակից, այլ նաև իր մոտեցումները լինեն ադեկվատ՝ ուղղված իրավիճակի փոխմանը, որը հավատ ներշնչի մարդկանց մեջ, որ եթե իրենք գալիս են իշխանությունը փոխելու, նույնը չի կրկնվելու, այսինքն՝ իրավիճակ է փոխվելու և չի ավարտվելու մարդկանց փոփոխությամբ: Սա եղել է մեր մոտեցումը, որ ձևակերպել ենք ամբողջական իշխանափոխության գաղափարում: Սա ենթադրում է ոչ միայն իշխող վարչախմբի հեռացում, որը եթե զլանում է, չի կարողանում կամ չի ուզում կատարել իրավիճակը շտկելու հետ կապված քայլեր, ուրեմն պետք է հեռանա։ Բայց դա բավարար չէ, համակարգը պետք է փոխվի այնպես, որ նոր եկողները նույնը չդառնան: Սա է ասել ՀՅԴ-ն և դրա հետ կապված ձևակերպել իր յոթ կետերը:
– Ի՞նչ եք կարծում՝ ընդդիմադիր ուժերն այսքանից հետո կկարողանա՞ն համախմբվել և իշխանությանը իսկապես հակակշիռ դառնալ:
– Ինձ թվում է՝ դա արդեն անցյալ տարվա սկզբներին տեղի ունեցավ, երբ մենք քառյակում էինք, և քառյակը հաջողում էր: Ուրեմն պետք չէ նոր հետազոտություններ կատարել, կարելի է եղած փորձը ուսումնասիրել՝ ի՞նչն էր պատճառը, որ քառյակը հաջողում էր, հետո հանկարծ ձախողեց, չհաջողեց: Այս հարցը պետք է տալ և այդ հարցի պատասխանը անկեղծորեն գտնել: Ես չեմ ասում՝ Դաշնակցությունը մեջն էր, դրա համար էր ընդդիմությունը հաջողում, դուրս եկավ՝ ձախողեց, բայց իրականությունը հենց էդպես էլ եղավ։ Պետք է իրականության հետ հաշվի նստել: Տեղի էր ունենում շատ պարզ տրամաբանություն. մենք դնում էինք հարցեր, որոնք իրատեսական էին, լուծելի, համապատասխանում էին մեր եղած ուժերին, և դրան համապատասխան քայլերը դնելով՝ հաջողելով առաջ էինք գնում:
Ավելին՝ տեսանյութում:
