Դորտմունդի «Բորուսիա»-ի կիսապաշտպան Մարկո Ռոյսը հայտարարել է, որ այս պահին չի մտածում մարզական կարիերան այլ ակումբում շարունակելու մասին: Ռոյսի համար առաջնային են իր ակումբի ելույթներն ու իր առողջական վիճակը:
«Հիմա մտածում եմ առողջական վիճակիս մասին: Անում եմ հնարավորը արագորեն շարք վերադառնալու համար: Հիմա ուշադրության կենտրոնում է «Բորուսիա»-ի խաղը: Մնացածը երկրորդական է»,- Ռոյսի խոսքերը մեջբերում է Bild-ը:
Հիշեցնենք, որ Բունդեսլիգայի 13-րդ տուրից հետո «Բորուսիա»-ն զբաղեցնում է մրցաշարային աղյուսակի վերջին` 18-րդ հորիզոնականը:
Ռոյսի ծառայություններով ակտիվորեն հետաքրքրվում են «Ռեալ»-ը, «Բավարիա»-ն ու «Մանչեսթեր Յունայթեդ»-ը:
